>>> សកម្មភាពថ្ងៃព្រហស្បតិ៍ ៩រោច  ខែជេស្ឋ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី០៧ ខែមិថុនា ឆ្នាំ ២០១៨ របស់មន្ទីរកសិកម្ម រុក្ខាប្រមាញ់ និងនេសាទ ខេត្តមណ្ឌលគិរី  មានដូចខាងក្រោម ៖

+ លោកប្រធាន លោកអនុប្រធានមន្ទីរ លោកប្រធាននិងមន្រ្តីការិយាល័យផែនការ-គណនេយ្យ បានចូលរួមប្រជុំ បូកសរុបការអនុវត្តថវិកាកម្មវិធីឆ្នាំ ២០១៧ និងពិនិត្យតាមដានការអនុវត្តថវិកាកម្មវិធីរយៈពេល០៥ខែ ឆ្នាំ២០១៨  របស់មន្ទីរកសិកម្ម រុក្ខាប្រមាញ់និងនេសាទ រាជធានី ខេត្តក្រោមអធិបតីភាព ឯកឧត្តម គុយ ម៉ារិនឌី អនុរដ្ឋលេខាធិការក្រសួងកសិកម្ម រុក្ខាប្រមាញ់និងនេសាទ  ។

+ មន្ទីរកសិកម្ម រុក្ខាប្រមាញ់ និងនេសាទខេត្តមណ្ឌគិរី និងរដ្ឋបាលព្រៃឈេី បានប្រជុំពិភាក្សាស្តីពី ការប្រគល់ទទួលដីចំការស្រល់ ក្រោមអធិបតីភាព លោក ឃន សារ៉េត អនុប្រធានរដ្ឋបាលព្រៃឈេី លោកស្រី វ៉ែន សុភារម្យ អនុប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តមណ្ឌលគិរី លោក ឱម ម៉ាកធារី នាយអធិការដ្ឋានរដ្ឋបាលព្រៃឈេីមេគង្គ លោក អ៊ុ វណ្ណសុភ: នាយខណ្ឌរដ្ឋបាលព្រៃឈេីមណ្ឌលគិរី នៅខណ្ឌរដ្ឋបាលព្រៃឈេីមណ្ឌលគិរី ។

+ លោកនាយរងខណ្ឌរដ្ឋបាលព្រៃឈើមណ្ឌលគិរី លោកប្រធានការិយាល័យក្សេត្រសាស្ត្រ​ និងបង្កើនផលិតភាពកសិកម្ម​ និងលោកប្រធានការិយាល័យកសិ-ឧស្សាហកម្ម​ បានចូលរួមប្រជុំសាមញ្ញលើកទី៤៩របស់ក្រុមប្រឹក្សាខេត្ត​ ឆ្នាំទី៥​ អាណត្តិទី២​ ក្រោមអធិបតីភាព​ ឯកឧត្តម​ ម៉ែន​ ង៉ុយ​ ប្រធានក្រុមប្រឹក្សាខេត្ត​ នៅសាលប្រជុំអគារ ក្រុមប្រឹក្សាខេត្ត​ ។

+ លោកស្រី អនុប្រធានទទួលបន្ទុករួម និងមន្រ្តីការយាល័យនីតិកម្មកសិកម្ម បានចុះអធិការកិច្ចដេប៉ូអាជីវកម្ម លក់សម្ភារកសិកម្ម នៅក្នុងក្រុងសែនមនោរម្យ ខេត្តមណ្ឌលគិរី។

----------------------------------------------------------------------------------------------------