>>> សកម្មភាពការងាររបស់មន្ទីរកសិកម្ម រុក្ខាប្រមាញ់ និងនេសាទ ខេត្តមណ្ឌលគិរី ប្រចាំថ្ងៃច័ន្ទ ០៥រោច  ខែបឋមាសាឍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី ០២ ខែ កក្កដា ឆ្នាំ ២០១៨  មានដូចខាងក្រោម ៖

+ លោកប្រធានមន្ទីរកសិកម្ម រុក្ខាប្រមាញ់ និងនេសាទខេត្ត និងលោកនាយខណ្ឌរដ្ឋបាលព្រៃឈើមណ្ឌលគិរី បានចុះធ្វើការត្រួតពិនិត្យទីតាំង សម្រាប់ធ្វើការប្ររព្វពិធីរុក្ខទិវា នៅក្រុងសែនមនោរម្យ ខេត្តមណ្ឌលគិរី ។

+ លោកអនុប្រធានមន្ទីរ​ លោកនាយខណ្ឌរដ្ឋបាលជលផល​ លោកនាយផ្នែករដ្ឋបាលព្រៃឈើ​សែនមនោរម្យ​ និងលោកប្រធានការិយាល័យកសិ-ឧស្សាហកម្ម​ បានចូលរួមគណៈកម្មាធិការគ្រប់គ្រងដីរដ្ឋខេត្ត​ ក្នុងគោលដៅសម្បទានដីសេដ្ឋកិច្ចជូនក្រុមហ៊ុនលែនអែនឌីវេឡុបភីង​ (ខេមបូឌា)​ និងក្រុមហ៊ុនវីឡាឌីវេឡុបមេន​ ខូអិលធីឌី​ ក្រោមអធិបតីភាព​ ឯកឧត្តម​ ស្វាយ​ សំអ៊ាង​ អភិបាលនៃគណៈអភិបាលខេត្ត​ នៅសាលប្រជុំសាលាខេត្ត​ ។

+ លោកប្រធាន និងមន្ត្រីការិយាល័យក្សេត្រសាស្ត្រ និងផលិតភាពកសិកម្ម នៃមន្ទីរកសិកម្ម រុក្ខាប្រមាញ់ និងនេសាទ ខេត្តមណ្ឌលគិរី បានចូលរួមប្រជុំនៅសាលប្រជុំសាលាស្រុកពេជ្រាដា  ស្តីពីការផ្ទៀងផ្ទាត់ក្នុងការអនុវត្តគម្រោង គាំទ្រសមារណកម្មឆ្នាំ ២០១៨ ក្រោមការដឹកនាំលោក អែម ពិសិទ្ធ អភិបាលរង នៃគណៈអភិបាលស្រុកពេជ្រាដា ។

+ លោកស្រីអនុប្រធានទទួលបន្ទុករួមការិយាល័យនីតិកម្ម និងលោកអនុប្រធានការិយាល័យផលិតកម្ម និងបសុព្យាបាល ចូលរួមវគ្គបណ្ដុះបណ្ដាលស្តីពីនីតិវិធីប្រតិបត្តិស្តង់ដារ អន្តរក្រសួងសម្រាប់ការអង្កេត និងឆ្លើយតបការផ្ទុះជំងឺរាតត្បាត ជំងឺបណ្តាលមកពីការពុលចំណីអាហារ ក្រោមអធិបតីភាពលោកវេជ្ជបណ្ឌិត លី សុវណ្ណ ប្រធាននាយកដ្ឋានប្រយុទ្ធប្រឆាំងជំងឺឆ្លងនៃក្រសួងសុខាភិបាល នៅសណ្ឋាគារភ្នំប្រុស ខេត្តកំពង់ចាម
ដែលរៀបចំដោយ៖ ក្រសួងសុខាភិបាល និងឧបត្ថម្ភដោយ៖ ADB/GMS HSP ។

+ នាយផ្នែក នាយងសង្កាត់ និងមន្ត្រីផ្នែករដ្ឋបាលព្រៃឈើសែនមនោរម្យ បានរួមជាមួយកម្លាំងគណៈបញ្ជាការឯកភាពស្រុកពេជ្រាដា ចុះបង្ក្រាបបទល្មើសព្រៃឈីប្រទះឃើញឈើសន្និធិចម្រុះប្រភេទ សរ្បចំនួន ១០១កំណាត់ ស្ថិតក្នុងភូមិពូលុ ភូមិពូទិល និងភូមិទី៤ ឃុំប៊ូស្រា ស្រុកពេជ្រាដា ខេត្តមណ្ឌលគិរី បច្ចុប្បន្នកំពុងធ្វើការដឹកជញ្ជូនវត្ថុតាងល្មើសទាំងនោះយកមករក្សាទុកនៅស្នាក់ការខណ្ឌរដ្ឋបាលព្រៃឈើមណ្ឌលគិរី ដើម្បីចាត់ការតាមនីតិវធីច្បាប់ស្តីពីព្រៃឈើ ។

-----------------------------------------------------------------------