>>>ថ្ងៃសុក្រ ៧រោច ខែទុតិយាសាឍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី 0៣ ខែ កក្កដា ឆ្នាំ ២០១៨  សកម្មភាពរបស់មន្ទីរកសិកម្ម រុក្ខាប្រមាញ់ និងនេសាទ ខេត្តមណ្ឌលគិរិ មានដូចខាងក្រោម ៖

--------------------------------------------------------------------------------------

- ​លោក​ស្រីអនុប្រធានមន្ទីរ​   បាន​ដឹកនាំមន្រ្ដី​ការិយាល័យផលិតកម្ម និងបសុព្យបាល ចុះត្រួតពិនិត្យមើល​ការតាំងលក់សាច់​សត្វ ​និង​បាន​ណែនាំ​ដល់អាជីវករឲ្យអនាម័យ​ប្រចាំនូវសម្ភារៈមុន​និង​ក្រោយ​ ការតាំងលក់សាច់​  ។​

- លោកអនុប្រធាន និងមន្រីការិយាល័យក្សេត្រសាស្ត្រ និងផលិតភាពកសិកម្ម ចុះពិនិត្យ ការដាដុះដំណាំបន្លែ និងពិភាក្សាលើបញ្ហាប្រឈមផ្សេងៗដែលបានកើតមានលើដំណាំបន្លែ របស់កសិករឈ្មោះ កៅ ប៊ុនសេង  និងកសិករឈ្មោះ សាន សារី នៅសង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី ។

- លោកអនុប្រធានការិយាល័យផលិតកម្មនិងបសុព្យាបាល បានដឹកនាំកសិករ មាស រិទ្ធី អ្នកចិញ្ចឹមមេជ្រូកបង្ហាញ ចូលរួមប្រឡងផ្តាច់ព្រ័ត្រជ្រើសរើសអ្នកមានស្នាដៃឆ្នើមក្នុងការចិញ្ចឹមសត្វ និងដាំដំណាំចំណីសត្វ ។ ក្រោមអធិបតីភាព ឯ.ឧ សេន សុវណ្ណ ប្រតិភូរដ្ឋាភិបាលកម្ពុជាទទួលបន្ទុកជាអគ្គនាយកនៃអគ្គនាយកដ្ឋានសុខភាពសត្វ និងផលិតកម្មសត្វ
នៅអគ្គនាយកដ្ឋានសុខភាពសត្វនិងផលិតកម្មសត្វ រាជធានីភ្នំពេញ ជាលទ្ធផលខេត្តមណ្ឌលគិរី​ទទួល​បានចំណាត់​ថ្នាក់​លេខ​ ២​ ។​

- មន្រ្តីខណ្ឌរដ្ឋបាលជលផលរួមជាមួយ លោកស្រីអនុប្រធាននាយកដ្ឋានកិច្ចការរដ្ឋបាលនិងនីតិកម្ម  នៃរដ្ឋបាលជលផល និងក្រុមការងារចុះវាយតម្លៃ ត្រួតពិនិត្យ ចូលរួមសកម្មភាពល្បាត និងបានចែកសម្ភារៈល្បាតជូនដល់សហគមន៍នេសាទ ចំនួន ២ គឺ សហគមន៍នេសាទកែងណយ ភូមិជីមាតណងបួរ និងសហគមន៍នេសាទសែនកញ្ញា ភូមិកោះម្យើលលើ កោះម្យើល ក្រោម ដែលមានគណៈកម្មកាសហគមន៍នេសាទចូលរួមសរុប ១០នាក់ ស្រី ០៣នាក់។

--------------------------------------------------------------------------------------