ថ្ងៃចន្ទ ៤រោច ខែកត្ដិក ឆ្នាំច សំរិទ្ធឹស័ក ព.ស ២៥៦២ ត្រូវនឹងថ្ងៃទី២៦ ខែវិច្ឆិកា ឆ្នាំ២០១៨ លោកអនុប្រធានការិយាល័យក្សេត្រសាស្រ្ត និងផលិតភាពកសិកម្ម នៃមន្ទីរកសិកម្ម រុក្ខាប្រមាញ់ និងនេសាទ ខេត្តមណ្ឌលគិរី លោកមេឃុំអបួនលើ លោកប្រធានការិយាល័យកសិកម្មស្រុក លោកប្រធានសហគមន៍កសិកម្មសាមគ្គីរីកចម្រើន តំណាងអង្គការ DPA អង្គការGoodneighbors និងសមាជិកសហគមន៍ ចូលរួមសរុប១៥នាក់ (ស្រី០១នាក់) បានចុះពិនិត្យចម្ការដំណាំបន្លែកសិករចំនួន ១០គ្រួសារ ដែលមានផ្ទៃដីសរុបចំនួន ១០,៦០ហិកតា ស្ថិតនៅក្នុងភូមិអបួន ឃុំអបួនលើ ស្រុកកោះញែក ដើម្បីផ្គត់ផ្គង់ទីផ្សារក្នុងស្រុកកោះញែក។