មណ្ឌលគិរី ៖ ថ្ងៃព្រហស្បតិ៍ ១១រោច  ខែបុស្ស ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី ៣១ ខែ មករា ឆ្នាំ ២០១៩ លោកប្រធានមន្ទីរកិសកម្ម រុក្ខាប្រមាញ់ និងនេសាទ ខេត្ត បានអមដំណើរ ឯកឧត្ដម ស្វាយ សំអ៊ាង អភិបាលនៃគណៈអភិបាលខេត្តមណ្ឌលគិរី រួមមានកងកម្លាំងប្រដាប់អាវុធ និងមន្ទីរជំនាញពាក់ព័ន្ធ ដើម្បីចុះទៅពិនិត្យស្ថានភាពនៃការផ្ទុះអាវុធដោយខ្មាន់កាំភ្លើងក្នុងករណីបង្រ្កាបបទល្មើសសត្វព្រៃ ដែលបានបណ្ដាលឲ្យមន្រ្តីឧទ្យានុរក្សដែនជម្រកសត្វព្រៃស្រែពកចំនួន ០១រូប រងរបួសធ្ងន់ត្រូវបានបញ្ជូនទៅសម្រាកព្យាបាលរបួសភ្លាមៗនៅមន្ទីរពេទ្យក្នុងរាជធានីភ្នំពេញ ស្ថិតនៅក្នុងដែនជម្រកសត្វ ព្រៃស្រែពក ចំនុច អូររវេ ភូមិស្រែហ៊ុយ ឃុំស្រែហ៊ុយ ស្រុកកោះញែក ខេត្តមណ្ឌលគិរី។