ថ្ងៃពុធ-ព្រហស្បតិ៍ ១១-១២រោច ខែមាឃ ឆ្នាំកុរ  ឯកស័ក ព.ស២៥៦៣  ត្រូវនឹងថ្ងៃទី១៩-២០ ខែកុម្ភៈ ឆ្នាំ២០២០ មន្ទីរកសិកម្ម  រុក្ខាប្រមាញ់  និងនេសាទ  ខេត្តមណ្ឌលគិរី  បានរៀបចំពិធីកិច្ចប្រជុំបូកសរុបលទ្ធផលការងារប្រចាំឆ្នាំ២០១៩  និងលេីកទិសដៅអនុវត្តឆ្នាំ២០២០  ក្រោមអធិបតីភាព ឯកឧត្តម សេន សុវណ្ណ  រដ្ឋលេខាធិការក្រសួងកសិកម្ម  រុក្ខាប្រមាញ់និងនេសាទ និងឯកឧត្តម ជាក់ ម៉េងហ៊ាង អភិបាលរងខេត្ត ដោយមានការចូលរួម  ប្រធានសាលាដំបូងខេត្តមណ្ឌលគិរី  ព្រះរាជអាជ្ញាររងអមសាលាដំបូងខេត្តមណ្ឌលគិរី លោក លោកស្រី អភិបាលរងស្រុកទាំង៥ លោកប្រធាន លោកអនុប្រធានមន្ទីរពាក់ព័ន្ធ  កងកម្លាំងប្រដាប់អាវុធទាំងបី  និងមន្ត្រីរាជការក្រោមឱវាទមន្ទីរ  នៅសាលប្រជុំមន្ទីរកសិកម្ម រុក្ខាប្រមាញ់ និងនេសាទ ខេត្តមណ្ឌលគិរី ។ នៅក្នុងកិច្ចប្រជុំក៏មានការធ្វើបទបង្ហាញពីការិយាល័យជំនាញទាំង ១០ និងខណ្ឌទាំងពីរផងដែរ ។ មន្ទីរបានទទួលនូវអនុសាសន៍ល្អៗពីឯកឧត្តមគណៈអធិបតី នូវចំណុចកែលម្អជាច្រើន ក៏ដូចជាការិយាល័យជំនាញ និងខណ្ឌទាំងពីរ ទទួលនូវការកែលម្អ និងទិសដៅសម្រាប់អនុវត្តបន្តពីលោកប្រធានមន្ទីរ ។ ក្រោយបិទពិធីកិច្ចប្រជុំ ក៏មានការបំពាក់នូវមេដាយការងារជូនដល់មន្ត្រីរាជការចំនួន ០៥នាក់ផង ។